انت في طريق الحرير SilkRoad Online

روعة وبلا شك

طب هقولك احنا في اللعبة بنعمل ايه عشان تبقى في الصورة

اللعبة تنقسم الى قسمين اساسيين

1- قسم ال level : ودي من اول ليفل 1 بحيث كل ما بقيت اعلى في الليفل كل ما زادت فرصتك على شراء اسلحة و ملابس اقوى كل ما زادت قوتك الهجومية والدفاعية
وتقدر تزيد في الليفل بقتل الوحوش المنتشرة في المدن و تنفيذ المهمات المطلوبة بتديك EXP Points لما توصل حد معين تطلع ليفل اعلى

ملحوظة : كل ما بقيت ليفل اعلى كل ما زادت ال EXP Points المطلوبة كل ما زاد الوقت المطلوب وقد يصل الى شهر عشان توصل من بداية ليفل 70 الى نهاية ليفل 70

2- قسم ال Job : او الوظيفة يعني بتشتغل ايه في اللعبة حرامي ... تاجر ... هانتر ( بودي جارد )
ال Job تبدأها من اول ليفل 20
ودي ليها شرح مفصل بكل انواع ال Job

باختصار هي دي اللعبة

وبالتفصيل الممل الممل جداً يبقى انت ناوي تلعب

شد حيلك يا بطل

انت في طريق الحرير SilkRoad Online

اولاً : تعمل Account ليك من هذا الرابط :
http://www.silkroadonline.net/member/member_join.asp
(بعض ابناء دول الخليج قد يجدوا مشكلة في موضوع التسجيل بسبب القيود اللي عاملينها والبروكسي اللي عاملينه وبالتالي يقولولنا واحنا نعملهم حسابات )

ثانياً : هتنزلها ببساطة جداً من هذا الرابط :
http://www.silkroadonline.net/dataroom/download.asp

ال Client

تصطبها وتنزل الابديت اوتوماتيك بمجرد ما تفتح اللعبة .. يمكن هياخد وقت كبير معاك عشان الابديتات كتير اوي

ممكن تنزلهم يدوي مباشرة من نفس الرابط
وهو Manual patch file

ثالثاً : تفتح اللعبة وتكتب بيانات الدخول
(قد تجد مشكلة في الدخول في الاوقات من الساعة 11 صباحاً بتوقيت القاهرة الى الساعة ال 11 مساءاً وده بسبب الازدحام الشديد على اللعبة .. حاول كذا مرة وهتخش )

طبعاً انصحك تختار سيرفر Athens لان هو ده السيرفر اللي موجود فيه اغلب الاصدقاء وفيهم انا شخصياً وطبعاً تحت امرك في اي مساعدة

ولو اختارت سيرفر مش ممكن تنقل شخصيتك من سيرفر لاخر

يعني السيرفر اللي هتخش فيه هتفضل فيه طول عمرك الا اذا حبيت تبدأ بشخصية جديدة ساعتها ممكن تختار سيرفر تاني
مع تحياتى